رحلتي لحفر البآطن (( بآلصور )) ومووقف لأ آحسسد عليه(( وسؤال مهم ))

•°غً‘ـآ‘إًلي إلأثمـآ‘إًن°• · منذ 4 أسابيع

سلآآم علييكم .,.

.
.

صبآح الوررد والجووري مخلووط بششيح وقيصصوم

.

كنت متواجد الأسبوع المآَضي آيآم الاربعاء والخميسس والجمعه .. بمنطقة حفر البآطن وما جآورها من منآطق تلبيه لعدة دعوآت وعزآيم من شبآب وشيبآن

.
.

آحس اني عقب هالعزآيم زآد وززني من كثر ما دفيت بجلدي من الذبآيح والفقع فدييت اللي عزمني عليه بمحمية سلطآن بن عبدالعزيزز موو كم وآحدن هنآ يآكل ويقول آكلت فقع ويوريني الصوور ويقهررني

..

المووهم الرحله تخللتهاا عدة وجهآآت

وكآنت انطلآقتها من الرياض الساعه الثانيه ظهررا الى ام رقيبه ووصلت هنآك السآعه الخآمسسه عصرا تلبيه لدعوة آخوي (( سعود مششعان إبن قششعآن العتيبي )) لدعوة عشآْء في المخييم الخآص بوالده الشيخ (( مششعآن العتيبي )) .. الموهمم عقب ماتقهوينآ وجآء وقت العشآآء وتعشيينآ .. انعم الله على من تكلف

.
اعتذررنا من الربع لكي نكمل الرحله الى حفر البآطن في السآعه8ونصص مساءا وبعد طلوع الروح خلصنا من طيبتهم والحآحهم بعد الوعد اللي قطعته لهم اني آحضر عرض مزاين الأبل الخآص فيهم يوم الخميس العصرر عقب ما اطلع من محمية الامير سلطآن بن عبدالعزيز بعد تلبية دعوة الغداء فيها هنآك

.

الموهم توكلنآ على الله ووصلت الحفر السآعه 10وعليهآآ .. وكآن فيني جوع لأني كنت مستحي من الربع وآضآفه ان العششآء كآآن توه طآلع من القدرر وماقدرت آكل كثير

المووهم استأجرنآ بشقق الأسطورره وطلعت انا بمفردي امترر بآشوف لي وجبه سريعه ع الطآير اسد الجوع اللي فيني فييها وفجأه طبيت على مطعم اسمه|(( بآبآ عصومي ))مدري سومي

يوم شفت المطعم قلت لوآحدن من آلآترآك اللي فييه شسم المطعم عشآن أوكد اسسمه قآل لي بآبآ سومي رديت عليه (( مافيه مطعم ماما ريومي ))قاآم يضحك وانا ادري انه مافهم شي ماغير يدربي دمجته
وطبعآ كعادتي اذا كنت ما اعرف مطعم اسأل المحآسبين هالسؤال (( للأمآنه وش افضل وجبه تقدمونه )) عشآن احطها بذمته
فقال لي برووستد .

اخذت البروستد ورحت للشقه الخآصه فيني وجبت للشبآب معآي عصآير وحركآت لأنهم كآنو ضآربين بجلدهمـ هنآك

.
عقب هالوجببه الله لايووريكم انواع المغصص والشدود العضليه والالتواءات بالمعده حتى حسيت ان غضروف المعده صآربه التواء قمت هواء لسيآره واخذت علآجي المعهوود حق المغصص وخفت شوي والحمدلله عدت هالليله ع خيير

.,

اليوم الثاني الخميس لبيت الدعوه الثانييه (( وهي الأجمل )) لأن فيها غداء فقع هذا اللي ما اقدر اقوله لآآ
الغداء كآن بمحمية الأمير سلطآن بن عبدالعزيز .. توجهت انا والاثنين اللي معآي الى المحميه ودخلنآ بسيارتنا بصحبة الشخص اللي عازمنآ وحقيييييقه شفت اشياء خيييييييييآل اثنآء تجولنآ فيه وصولآ الى المخيم الأميري الخآص بالضيوف

يعني شفت اشيآآء فعلن تستحق التصويرر وصوررنآ بعض المنآظر من داخل المحميه عقب ما تغدينآ وضربنآ بجلدنآ من الخرفآن والفقع طبعآ انا طبييييييييت بصينية الفقع طبه محترررمه الين ماحسيت اني دخت من كثر ما اكلت

المووهمـ خلصنآ غداء وتمشي وتصويرر وعقبها توجهنآ لأم رقيبه حضرنآ عرض ابن قششعآن وعقبها رجعت للحفر ابي اريح شووووي

الموهم ريحنآ عشآن نششبع نوم ونقوم ع صلآة الجمعه ونصلي وعقبها نتوجه لدعوة العشآء من الشيخ (( ابن روسآن العنزي )) في مخيمه الخآص بأم رقيبه

الموقف الذي لا احسد عليييه

الموهم ظبطنآ عفششنا وسآعدنآ فيه موظفين الإستقبآل في الشقق

انا نزلت شنطتي وحطيتها بالجيب ونسيت شنطة الجيب مفتوحه المووهم جآني اتصآآل من ششخص زعلآن علي اني مآقلت له اني آخآويه ورديت عليه وكآن زعلآن مني وحآولت اني اراضيه واخذتنآ السوآليف كعآدتي اذا كلمت اتمشى واسسج ع رجولي والله من النفسسيه والا اشوف صرافة بنك البلآد وامشي لها وانا مندمج بالمكآلمه نسسسيت شنطة الجيب مفتووحه يوم دخلت الصرآآفه وآنآ انتظر الفلووس تطلع من المآكينه الا اناظر شخص يرركض ومعآه شنطتي معقوله شنطتي قلت انسرقنا بين وبين نفسسسي وع طول تذكرت الأغراض اللي بالشنطه سريولآتي وملآبسي وعطورآتي وكل شي وجهآز بلأك بيري دآخل الشنطه وآشيآء وآشيآْء وذكريآت سرقها ملعوون الخيرر
جيت السيآره وآنا اقول بيني وبين نفسسي يمكن ظلمت الرجآل مو شنطتي اللي معآه وانا امني النفسس بهالشي هذآآ وقلت بجنب الشنطه لاب توب لا يكون رآح
يوم قربت للسيآره اتفقد الشنطه اثرهآ انسرقت بس سلم اللآب توب ما انسرق اعمااه ربي ولا رحنآ فخرايطها
وهي اللي بيد اللي قبل شوي شفته منحآآش
الله لا يحلله فيهم ولا يبيحه خله يآخذ كل ششي سراويلي واغراضي وكل شي بس يخلي لي ذكريآتي وهدايا النآس الغاليييين

الموهم خسآآره رقم pin المميز لجهآز بلآك بيري البولد رآح معآ الحرآمي بالشنطه اللي سرقهآ وكآن فيه رقم مميز بإسمي يعني مرجوعه لي من اوصل الرياض اسحب بدل فآقد المووهم من غبائي نسيت اوقف الرقم وتفآجآت يوم وصلت الرياض اليوم السبت رحت للفرع لقيت عليه مبلغ 1500 ريآل اثرره مشغل الرقم يوم كنت بأم رقيبه عقب مامشينآ ومجري مكآلمآت كثيره للعرآق طلع عرااقي السسسروق الذرووق سددت المبلغ وسحبت بدل فآقد ولا فكررت اني اهآوش والا اطآلب لأن هالشي ذآ غلطتي واهمآلي

انتهت اخر المشآوير في حفر البآطن

وكآنت رحله مميزه بمعنى الكلمـه

وآن شااءالله هنآك رحله ثآنيه قريبه جدآ لدخول الحدود السعوديه العراقيه للصيد اللي بين حفر الباطن ورفحآء

بأسآلكم هل هنآك خطوره في هذه المنطقه ام لآ ؟
لأن آنعزمنآ هنآك واللي عآزمنآ معآه تصريح دخول لنآ معآه ؟

اتمنى اجآبآتكم ع هالسؤال ..

وشكررا

.
.

اطلت عليكم

اليكم الصوور ..

سيآرتي جيب VXR اللي هي سيآرة اخوي اللي عطيته سيآرتي الكآبريسس واستلفتها منه عشآن الرحله ..

وتجدون ايضآ صور من الفقع اللي موجود بالمحمييه ومنآظر طبيعيه منهآآ

آولآ سيآرة الرحله هذي يوم اخذتها من مكآن دوآم اخوي

وهذي سيآرتي اللي غسسلتها وظبطتهآآ له من تصويرر الاخ مشعل العنززي يوم كنآ مسيرين ع وآحد بحريملآ عشآآن اغررررررريه ويسآفر عليها للشرقييه هو وآهله للشرقيه في عطلة نهآية الأسبوع ويعطيني الجيب اجلغفه بالبر شوي

يتببببببع

•°غً‘ـآ‘إًلي إلأثمـآ‘إًن°• · 07:10 PM

..

.,

نأتي للأهمـ

صور من محمية الأمير سلطآن بن عبدالعزززيزز

وصوور لحبيب قلبي (( الفقع )) اللي لقطه لنآ رآعي البعآرين ولقطنآ بعضضها حنآ

وهي من تصووويري

هذي لقيتها انآآآ

هذي يد وآحد من عيآل وحشآ لله مو يد آدمي يد آفغاني خبآر تميس

.
.
.
.

وفي الختآم

اتمنى اني قدمت وجبه دسسسسسمه كدسآمة الفقع اللي ضربت منه بالخمسس

للجميع واتمنى انكم استمتعتم بالصورر ..

والى لقآآء جدييد بإذن الله

التميز خلال 24 ساعة
العضو المميز	الموضوع المميز	المشرف المميز	المشرفة المميزه
كـل الحكآيه..}	قــــــرار اداري ... بقلم : روح الأنوثة عـــــبير	ღ Ҝђάℓēđ ღ	ReMo

إعلانات المنتدى